كيف تتعاملين مع أختك

بسمـ الله الرحمن الرحيـمـ

الـسلامـ عليكـمـ ورحمـه الله وبـركاته

عدنا بعد إنقطاع

الجزء السابع ~> كيف تتعاملين مع أختك

واعذروني عالقصور .. أحاول أساعد بلي أقدر عليه وحسب خبرتي

أول شي لازم تعرفينة انه مو عشان هي أختك لازم تكون شخصيتها نفس شخصيتك

لا هي صح أختك شقيقتك بس أنتي شخصيتك غير وهي شخصيتها غير

لاتتوقعين الأشياء الي تحبينها بتحبها هي

لاتتوقعين الأشياء الي تتضايقين منها تتضايق منها كمان هي

لا هي شي وأنتي شي ثاني صح أخوات بس تفرقون عن بعض

فلما تجين تبين تنتقدينها على تصرف صلحته أو أي شي ثاني

حطي ببالك إن شخصيتها غير عن شخصيتك

ثاني شي لما تصير مشكلة بينكم أو زعل

مو تقولين خليها تصك راسها بالجدار ولاتكلمينها ولاكأنك تعرفينها حتى

لا ياقلبي هاذي أختك من أمك وأبوك مو صحبتك أو صديقتك

عشان لازعلتي منها تركتيها 3 أيام والا إسبوع عشان تعطينها درس ومدري شو من هالكلام

لا حبيبتي روحي وسلمي عليها من باب أنها أختك حتى لو كانت هي الغلطانه

ماعليه تنازلي تعرفين ليش .؟؟ لان هاذي أختي ..مو صديقتي والا زميلتي

يعني مهما صار بينا ومهما حصل حتى لو تذابحنا هي أختي مصيرها لي ومصيري لها

حاولي قد ماتقدرين تفهمين أختك ..راقبيها .. شوفي ايش هي تحب

شوفي اهتماماتها .. شوفي الي تكرهه

مثلا الاشياء الي تحبها حاولي تهدينها لها كهدية لما تنجح أو تصير أي مناسبة

هذا راح يحسن العلاقه بينكم كثير

مثلا هي ماتحب أحد ياخذ شي من أغراضها من دون ماأحد يستأذن منها

بتقولين لي انا أختها كيف استأذنها الاخوات مابينهم

بقول لك ايه صح بس خلاص دام هي تكره هالشي إحترميها وإحترمي رغبتها

صدقيني راح تحبك كثير لما تتجنبين الاشياء الي هي تكرهها

حتى لو كنت مو مقتنعه بهالشي مومشكله دام ماراح يأثر عليك بشي

مثل سالفه الإستئذان ماراح تأثر عليك بشي سوا انها ترفعك بنظر اختك

الحوار .. ثم الحوار .. ثم الحوار

تكلمي معاها قولي لها على كل الاشياء الي تشوفينها فيها ماتعجبك

بس إنتبهي ( لاتستخدمين كلمه ( أنتِ وأنتِ وأنتِ ) لاتحسينها أنها كلها عيوب وأخطاء

لأ إستخدمي النقد الإبجابي قولي لها مثلا أنت ماشاءالله عليك ( وعددي إيجابياتها)

بعدين إبدأي بذكر السلبيات

وحتى لما تقولين لها على شي سلبي فيها قولي لها ( أنتي فكري تشوفين هذا صح ألي تسوينه )

قولي لها ( أنا أثق فيك وأعرف أنك لو فكرتي شوي مع نفسك بتعرفين طريق الصح وطريق الخطاء )

مثلا لو كانت اختك ماتشكيلك ولاتقول لك عن اسرارها أو أي شي يصير معاها

أبدأي أنتي قولي لها عن شي من اسرارك تكلمي معاها تقربي منها

اشكي لها ببعض مشاكلك

بعدين قولي لها .. (أنتي ليه ماتتتكلمين معاي ليه ماتشكين لي

أنا أختك ومالك غنى عني ولالي غنى عنك

وصدقيني مهما عرفتي من صديقات مافيه أحد أأمن لك ويخاف عليك

وتهمه مصلحتك كثر اختك كثري أنا

قولي لها ( صدقيني لما تجين تشتكين لي بشي او تقولين لي على مشكله صارت لك

راح افرح كثير لانك بكذا راح تتحسسين بثقتك فيني وانا كذلك لما أشكي لك بشي أنا

أثق فيك .. أثق بأختي عشان كذا أشكي لها

لأني اعرف أن أختي هي الوحيده بالعالم ألي مستحيل تأذيني )

لو لما تتضايق وتكون زعلانه من شي صار معاها وماتشكي لك همها

قولي لها ( أنا ترا مره أتضايق وأتعب واشيل همك لما اشوفك تعبانه ومتضايقه وزعلانه

ولاتقولين لي ايش فيك .. قولي لي عشان أقدر اساعدك لو بشي بسيط

أنا اكبر منك وأعرف منك بالدنيا وأكيد أن اغلب المشاكل ألي تمرين فيها ألحين

ونفس الافكار الي تجيك

مريت فيها أنا من قبل وأكيد أني أقدر أساعدك

واذا ماقدرت لاتحرميني فرصه أني اسمعك .. أساعدك لو بس اسمعك ..

تفضفضين لي بلي بقلبك بس وترتاحين )

صح كلامك ياقمر
ومرسي كتيييييير ع المعلومات المهمه

يسلمووووو ع التوبيك يا قمر

الله يسلمك وشكرا على ردك كيف تتعاملين مع أختك 125710

يووووووور ولللكم